Berriak
Barañaingo Luis Morondo Udal Musika Eskolak "Musika Bihotzarekin" Gabonetako Elkartasun Kontzertu bat antolatu du. Ekimen honen helburua ADANO (Nafarroako Minbizia duten Haurrei Laguntzeko Elkartea) elkartearentzako dirua biltzea da.
Ekitaldi honetan eskolako hainbat talde eta formaziok hartuko dute parte, besteak beste, Orkestra Gazteak, Orkestra Txikiak, Ganbera Taldeak, Saxofoien Ensembleak, Klarineteen Ensembleak, Koroek, Haur kantariak eta Musika Hizkuntzako 1. eta 2. mailako ikasleek. Errepertorio anitza, atsegina eta dibertigarria eskainiko dute, publiko guztientzat egokia.
Kontzertuan bildutako diru guztia ADANOrentzat izango da, A & A Tickets Online SL eta Mimética enpresen babesari esker.
Gainera, Zero Lerroaren bidez dohaintza bat egiteko aukera eskainiko zaie kontzertura joan gabe lagundu nahi dutenei.
Ez galdu musika onaz gozatzeko eta, aldi berean, arrazoi solidario bat babesteko aukera!
Animatu eta hurbildu zaitez!